استفسار زغنون

صباحكم ومساكم فل وعسل وياسمين00000000

شباب وصبايا هلأ أكيد كلكم كنتو بيوم من الأيام طلاب سنة أولى وحاسين حالكم تايهين ومش عارفين تعملو اشي

وبصراحة أنا من هلأ حاسة انو الجامعة ما فيها نظام بالمرة يعني بمعنى تاني-سبهللة وشوشرة-الموضوع انو أنا نازل

معي مساق مهارات مكتبية وبحثية مع الدكتور أشرف الفرا اللي سمعت عنو حكي كتير منيح وبيطمن -ولكن-لما رحنا

عالمحاضرة لئينا انو الدكتور مش الدكتور اشرف - ويبدو انو بيسير هيك كتير بهاي الجامعة -اجانا الدكتور يحيى

الاسطل وأنا بصراحة ما ارتحتلو -وحسيتو بعيد عنا شوي - يمكن أكون تسرعت شوي بالحكم عليه بس أنا طالبة

رأيكم فيه ازا ما في مانع 0طيب ازا أنا حابة آخد المساق مع الدكتور أشرف ايش أعمل ؟ لانو زي ما انتو بتعرفو طلاب

اول فصل ما بيئدرو يعملو سحب واضافة أو اي تعديل في الجداول ...وازا سرت احضر عند الدكتور أشرف ممكن

ألائي مشاكل مع الدتور يحيى؟ عنجد محتاجة ردودكم 0000000000وآسفة لاني أخدت من وئتكم وطولت عليكم....

ومشكورين مسبقا

شكرا كتير أخي Admin لاهتمامك .بس أنا هلأ ايش أعمل عشان أحضر عند الدكتور أشرف ؟ وما بيسير معي مشاكل ازا حضرت عندو؟ ..........................
وشكرا مرة تانية لاهتمامك

انا بنصحك تحضرى عند الدكتور يحيى لانو اكيد حيصير مشاكل وانا زيك سنة اولى فيجب ان نرضى بالواقع

شكرا كتير الك ...وهيك رح يسير انشالله ما في بايدي اشي .....ويا ريت مشكلتي على ئد هيك وبس كل جدولي


تعارضات وما حدا ئبلان يحللي ياها هالئصة ...بنوكلها ل الله ويا ستي بالتوفيق الي والك وللجميع

ربى يوفقك وانشاءالله بكون الدكتور جيد بس ممكن اعرف انتى فى اى مدرسة كنتى لانى حاسة انى بعرفك وشكراااااا لك كثيييييير

حبيبتي أنا كنت بمدرسة عكا يمكن بتعرفيني ......شكرا على مرورك .الله يوفئك

زى ما قلت انى بعرفك ان شاء الله بنتقابل

انا كمان سنة اولى وما اخدت هاد المساق يمكن الفصل الجاي ممكن ازا ظبط وضعك مع الدكتور الشاطر تحكيلي عنو او اخد المساق ولا اخد من قاصرها واجلها شو رايك انا اصلا حاسة المادة صعبة اختك منة

انا بالنسبة لى بانصح تاخذى المادة مع الدكتور يحيى الاسطل لانو بجد شاطر انا حضرت له محاضرة وشفت وما حد قلى وانا الفصل القادم اكيد بدى اخذها معه واسالى شيماء يمكن بتعرف اكثر منى بالتوفيق

مرحبا............................. حبيبتي منة المادة منيحة كتييييير ومش صعبة بالمرة خديها الفصل الجاي ............بالنسبة للدكتور يحيى بالاول كان كتيييير جامد بس هلأ الحمد لله بحسو منيح بيشرح كويس وبيلخص منيح وبيعطي فرصة للبنات بالمناقشة وانو كل وحدة تحكي رأيها وتتكلم عن تجربتها الخاصة ......يعني منيح كتير بس بالنسبة لاختباراتو لسة ما جربتها لما أجربها بحكيلك انشالله .......بس الفصل الجاي بتئدري تاخديها مع الدكتور اشرف لانو كتيييير شباب وصبايا ماخدين المادة معو وحكولي انو احسن من الدكتور اللي بيعطيني بس انا بئلك انو الدكتور يحيى منيح كتير يعني كل واحد بيحكي حسب مهو مجرب ...........يلا الله يوفئك ويوفئنا ....بس انتي بتدرسي بغزة ولا بخان ؟؟؟؟؟؟يعني ازا ما في مانع مشان نتئابل ازا بدك